Árni Sigurbergsson flugstjóri og trésmiður kom til Akureyrar með þennan forláta endursmíðaða FORD-vörubíl fyrir stuttu. Árni, sem er mikill hagleiksmaður hefur smíðað tvær forláta flugvélar af gerðinn RV-3 og RV-6. Svo er hann að smíða þá þriðju. Með flugvélasmíðinni gerði hann upp þennan gamla bíl sem hefur tilheyrt fjölskyldunni síðan 1937. FORDINN var kláraður og rann í gegnum skoðun 2008. Árni segist muna eftir því, 5 ára gamall, þegar faðir hans kom á bílnum heim túnið að Svínafelli í Nesjum. Bíllinn var notaður við bústörf í 30 ár.

Húnn Snædal flugumferðarstjóri, flugmaður og flugvélasmíður fær "tékk" á gamla FORDINN.

Sendiherra Bandaríkjanna á Íslandi, Luis E. Arreaga, fjölskylda og vinir voru á ferð um Norðurland í dag (23.06) Þau skoðuðu Flugsafnið og Arngrímur Jóhannsson flugstjóri bauð þeim í flug á Beaver-sjóflugvélinni og lenti m.a. á Pollinum. Allir komu skælbrosandi úr fluginu. Luis sendiherra er þriðji frá vinstri.