Ný flugvél í Safnið. Flugsafnið hefur fest kaup á glæsilegri flugvél. Það er Corsair vél, en slíkar vélar voru mikið notaðar í síðari heimsstyrjöldinni og langt fram fram eftir síðustu öld. Nú hefur hún fengið nýtt hlutverk sem leikfang fyrir yngstu gesti safnsins.

Ragnhildur Thorlacius fréttamaður og Einar Rafnsson tökumaður frá Sjónvarpinu voru í vikunni hér á Flugvellinum á Akureyri til að taka upp efni fyrir hinn vinsæla þátt "LANDANN" sem sýndur er á sunnudögum. Þau skoðuðu Flugsafnið, töluðu við Arngrím Jóhannsson stjórnaformann og fóru í flug. Ragnhildur flaug með Arngrími í BEAVER sjóflugvélinni og með Birni Thoroddsen í tveggja manna PITTS listflugvél. Afraksturinn verður sýndur í Sjónvarpinu næsta sunnudag.