Boeing 727-100 skorin úr lerki. Þórarinn Sigvaldason tréskurðameistari afhenti Flugsafninu þetta módel í byrjun apríl. Þórarinn er mikill flugáhugamaður og hefur skorið svona stór módel af fleiri flugvélum. Þetta módel skar hann út 2008 og stóð það úti í garði hjá Þórarni og frú þar til það kom til safnsins.  

Áttu gamla tölvu?

Flugsafnið á mikið af skemmtilegum ljósmyndum sem gaman væri sýna gestum. Vandamálið er aðeins það að safnið á ekki skjái eða tölvur til að sýna myndirnar. Við vitum að margir eiga eldri tölvur sem þeir nota lítið eða ekkert. Væri ekki upplagt að leyfa safninu að nýta þessar eldri tölvur? Ef þið eigið eitthvað af eldra töludóti sem þið eruð tilbúin að láta frá ykkur látið okkur vita. Kærar þakkir.